З 1921 года сучаснае Іўе — цэнтр гміны Валожынскага павету Наваградскага ваяводства.
22 студзеня 1926 года гміна Іўе ўжо ў складзе Лідскага павету таго ж ваяводства.
У Іўі дзейнічае чыгунка, паштова-тэлеграфнае аддзяленне, працуе сямігадовая польская школа, невялічкія прамысловыя прадпрыемствы па апрацоўцы драўніны. Мясцовы млын забяспечвае паселішча электраэнергіяй.
Іўе — буйны гандлёвы цэнтр, дзе праводзіцца каля 10 ярмарак у год. Сюды прыязджаюць купцы з Германіі, Англіі. Паспяхова развіваецца ільняная прамысловасць.
«Маўклівым» сведкам гэтых падзей з’яўляецца пячатка адміністрацыі гміны Іўе.
Верагодна, што ў перыяд з 1926 па 1939 год, значныя падзеі жыцця нашага горада зацвярджаліся менавіта гэтай пячаткай.
