29 верасня Касцёл адзначае дзень Святога Міхала Арханёла
Гістарычныя звесткі:
Касцёл Святога Міхала ў Іўі ўзведзены з дрэва ў 1700 годзе кс. Станіславам Жолдоком на Рыначнай плошчы.
Алтаром быў скіраваны на поўнач. У 1769 годзе знішчаны пажарам.
Алена Агінская, каштэлянша віленская, на тым жа месцы пабудавала новую святыню з сасновай драўніны. Кансэкраваны пад тытулам Святога Міхала 5 жніўня 1781 года.
У 1830 годзе касцёл згарэў.Знаходзіўся прыкладна на тым месцы, дзе зараз размешчаны ДУК «Іўеўская раённая бібліятэка», ДУК «Іўеўскі цэнтр культуры і вольнага часу».
Выява касцёла ўзноўлена С.Ільясевічам па вопісу 1830 года.
Выкарыстанне матэрыялаў публікацыі магчыма толькі пры спасылцы на Іўеўскі музей нацыянальных культур.
Аўтарскія правы на малюнак належаць С.Ільясевічу