ЗАЦВЯРДЖАЮ
В.а. дырэктара УК “Іўеўскі музей нацыянальных культур”
Дз.Дз.Баранава
Парадак работы наведвальнікаў музея з музейнымі прадметамі, навукова-дапаможнымі матэрыяламі. Доступ да музейных прадметаў, навукова-дапаможных матэрыялаў і да інфармацыі аб іх.
Распрацавана на аснове Кодэкса Рэспублікі Беларусь аб культуры ад 3 лютага 2017 г.
- Музейныя прадметы і навукова-дапаможныя матэрыялы з’яўляюцца даступнымі для агляду наведвальнікамі музея.
- Дакладная iнфармацыя аб асабліва каштоўных музейных прадметах уключаецца ў Дзяржаўны каталог Музейнага фонду Рэспублiкi
Беларусь i з’яўляецца даступнай для наведвальнiкаў музея. - Доступ да iнфармацыi, якая змяшчаецца ў друкаваных i электронных каталогах музея, з’яўляецца адкрытым, за выключэннем
iнфармацыi аб музейных прадметах, якія залічаны ў культурна-гістарычны фонд Дзяржаўнага фонду каштоўных металаў і
каштоўных камянёў Рэспублікі Беларусь або якія адносяцца да зброі, а таксама iнфармацыi аб асобах, якiя перадалі
ў музей музейныя прадметы. - Iнфармацыя аб паходжаннi, кошце, дакладным месцы знаходжання музейных прадметаў, зафiксаваная ва ўлiковых дакументах
музея, з’яўляецца інфармацыяй, распаўсюджванне і (або) прадастаўленне якой абмежавана ў адпаведнасці з заканадаўчымі
актамі. - Работа наведвальнікаў музея з музейнымі прадметамі і навукова-дапаможнымі матэрыяламі, якія захоўваюцца ў музеі,
выконваецца на падставе пісьмовай заявы, у якой указваецца дакладная і аргументаваная мэта работы, і пісьмовага дазволу
кіраўніка музея, які з’яўляецца юрыдычнай асобай, або кіраўніка юрыдычнай асобы, падраздзяленнем якой з’яўляецца
музей. - У мэтах забеспячэння захаванасці музейных прадметаў і навукова-дапаможных матэрыялаў і выключэння магчымага негатыўнага
ўздзеяння на іх доступ да работы з музейнымі прадметамі і навукова-дапаможнымі матэрыяламі, якія захоўваюцца ў музеі,
можа быць абмежаваны, калі:
- — музейны прадмет, навукова-дапаможнытматэрыял маюць нездавальняючы стан захаванасці;
- — адкрыты доступ да музейнага прадмета, навукова-дапаможнага матэрыялу пагражае
іх захаванасці; - — музейны прадмет, навукова-дапаможны матэрыял знаходзяцца ў працэсе кансервацыі
або рэстаўрацыі; - — музейны прадмет, навукова-дапаможны матэрыял знаходзяцца ў працэсе тэхнічнага
афармлення, навуковых даследаванняў музейных работнікаў; - — музейны прадмет з’яўляецца аўтэнтычнай формай пісьменнасці або выяўленчага
мастацтва (дакументы, рукапісы, старадрукаваныя выданні, фотадакументы, графіка і іншае); - — музейны прадмет з’яўляецца асабліва каштоўным музейным прадметам.
- Пры наяўнасці страхавых копій музейных прадметаў, якія з’яўляюцца аўтэнтычнай формай пісьменнасці або выяўленчага
мастацтва (дакументы, рукапісы, старадрукаваныя выданні, фотадакументы, графіка і іншае), для работы наведвальнікам
музея прадастаўляюцца страхавыя копіі такіх музейных прадметаў. - Музей арганізуе работу наведвальнікаў музеяў з музейнымі прадметамі, навукова-дапаможнымі матэрыяламі ў асобных
або службовых памяшканнях і ў прысутнасці музейнага работніка. Работа наведвальнікаў музея з музейнымі прадметамі,
навукова-дапаможнымі матэрыяламі ў фондасховішчах музея не дапускаецца, за выключэннем выпадкаў, калі музейныя прадметы,
навукова-дапаможныя матэрыялы маюць вялікія памеры. - Наведвальнікі музея, якія атрымалі доступ да музейных прадметаў, навукова-дапаможных матэрыялаў, павінны быць зарэгістраваны
ў журнале рэгістрацыі наведвальнікаў музея і азнаёмлены з правіламі работы наведвальнікаў музея з музейнымі прадметамі,
навукова-дапаможнымі матэрыяламі. Правілы работы наведвальнікаў музея з музейнымі прадметамі, навукова-дапаможнымі
матэрыяламі зацвярджаюцца кіраўніком музея, які з’яўляецца юрыдычнай асобай, або кіраўніком юрыдычнай асобы, падраздзяленнем
якой з’яўляецца музей. - Выраб выяўленчай, друкаванай, сувенірнай і іншай тыражаванай прадукцыі і вытворчасць тавараў народнага спажывання
з выкарыстаннем выяў музейных прадметаў, а таксама публiкацыя выяў музейных прадметаў ажыццяўляюцца толькі з дазволу
музея. - Забараняецца выкарыстанне музейных прадметаў, навукова-дапаможных матэрыялаў ва ўмовах, якія ствараюць пагрозу іх
захаванасці і (або) могуць прывесці да іх пашкоджання, страты або знішчэння. - Наведвальнікі музея, якія дапусцілі пашкоджанне, страту або знішчэнне музейных прадметаў, навукова-дапаможных і сыравінных
матэрыялаў, нясуць адказнасць у адпаведнасці з заканадаўчымі актамі.
