Ёлачныя цацкі з далёкага СССР

Кожнаму даросламу на навагоднія святы так хочацца вярнуцца хаця бы на хвілінку ў далёкае мінулае, у сваё дзяцінства, калі пад зялёнай прыгажуняй з лесу стаялі традыцыйныя Дзед Мароз і Снягурка з ваты, а на галінках красаваліся касманаўты, балерыны, мядзведзі і зайцы. І гэта можа здзейсніцца, калі наведаць выставу савецкіх ёлачных упрыгожванняў, якая працуе ў нашым музеі. На ёй прадстаўлены 150 экспанатаў 1940-1980-ых гадоў з фондаў музея. Сярод экспанатаў калекцыі ёсць такія, каторыя з’яўляюцца сведкамі жыцця не аднаго пакалення. Па іх можна прасачыць найбольш яркія, важныя падзеі ў гісторыі савецкай дзяржавы.