Да 100-годдзя ўтварэння БССР

Дакрануцца да мінулага ў прамым і пераносным сэнсе можна наведаўшы Іўеўскі музей нацыянальных культур, дзе з 25 студзеня працуе выстаўка «Гэта было нядаўна, гэта было даўно». Тут прадстаўлены прадметы, у акружэнні якіх жылі ў 50-80-ыя гады мінулага стагоддзя. Гэтыя рэчы камусьці падораць настальгічныя ўспаміны, камусьці раскажуць тое, што ён не ведаў раней, а хтосьці ўбачыць і тое, што ўжо адышло ў нябыт. Плануецца, што выстава будзе доўгатэрміновай. Таму жадаючыя могуць прыняць актыўны ўдзел і папоўніць выставу новымі экспанатамі.